Нур-Султан шаҳрида ўтказилаётган спорт курашлари бўйича жаҳон чемпионатининг учинчи куни терма жамоамиз учун ажойиб бошланди. Бироз аввал -97 килограмм вазн тоифасида юртимиз шарафини ҳимоя қилаётган Жаҳонгир Турдиев бронза медали учун дастлабки ўтиш босқич беллашувида иштирок этди.
Япониялик Юта Нара билан беллашган Жаҳонгир 6:4 ҳисобида устун келди. Вакилимиз ушбу ғалаба билан Токио Олимпиадасининг йўлланмаси ва бронза медали сари дадил қадам ташлади. Турдиев эндиликда польшалик Тадеуш Махиликка қарши гиламга чиқади. Курашчимиз ушбу рақибни ҳам мағлуб эта олса, бронза медали учун курашиш имконияти ва энг асосийси Токио Олимпиадаси лицензиясига эга бўлади.
Суратлар муаллифи: Анвар Ильясов
