Жорий йилнинг 20-30 сентябр кунлари, пойтахтимиз Тошкентда Марказий Осиё Шахмат фестивали бўлиб ўтади. Унда Марказий Осиёнинг, жумладан, Тожикистон, Қирғизистон, Туркмаснистон, Қозоғистон, Афғонистон ҳамда Ўзбекистондан энг кучли шахматчилар ўртасида мусоба режалаштирилган. Туркманистон терма жамоаси кеча пойтахтга етиб келишди, Тожикистон, Қирғизистон, Туркмаснистон, Қозоғистон, Афғонистон терма жамоалари бугун келиши кутилмоқда.
Ўзбекистон Шахмат федерацияси матбуот хизматининг хабари кўра, мукофот жамғармаси 12.000 Евро бўлган ушбу мусобақа, шахматчилар учун рейтингли экани билан ҳам аҳамиятли. Ўғил болалар ўртасида чемпионликни қўлга киритадиган ғолибга 3000 евро, қизлар ўртасида мутлоқ чемпионга эса 1500 евро мукофот пули белгиланган. 200 га яқин шахматчилар иштирок этадиган фестивалда стандарт ва рапид йўналишлари бўйича шахматчилар дона суришади.
ФИДЕ, РосАТОМ ҳамда Ўзбекистон Шахмат федерацияси ҳамкорлигида ўтказилаётган ушбу мусобақада 20 ёшгача бўлган, 1800 (ўғил болалар учун), 1600 (қиз болалар учун) рейтинг баллидан кам жамғармаган шахматчилар қатнашиш учун ариза беришлари мумкин.
9 турдан иборат баҳсларда ҳар қатнашувчига, партия охиригача 90 дақиқа вақт берилади.
Тўлиқроқ маълумотни Ўзбекистон Шахмат федерациясининг расмий сайтида www.uzchess.uz дан олишингиз мумкин.