Трансфермаркет нашри томонидан футболчиларнинг янгиланган нархлари эълон қилинганидан хабарингиз бор. Унга кўра, футболчиларнинг қиймати борасида айрим катта ўзгаришлар юз берди. Бугун қисқа муддат ичида трансфермаркетда нархи кўтарилиб кетган футболчилар ҳақида соз боради.

Себаллос

«Реал Мадрид»да заҳирада ўтиришни истамаган испаниялик ёш иқтидор эгасининг трансфер қиймати сўнгги кунларда 15 миллион еврога ошди ва ҳозирда 45 миллион атрофида баҳоланмоқда. АПЛдаги ишончли ўйинлари сабабли бу сумма янада катталашиши мумкин. Ҳозирча Себалос кутилганиданда яхшироқ тўп сурмоқда. «Арсенал» футболчини сотиб олиш шарти билан бир мавсумга ижарага олган  бўлсада, клуб мухлислари уни эртароқ ҳарид қилишларини исташмоқда.

Мейсон Маунт

«Дерби» ва «Витес» клубларида ижара асосида тўп сурган Маунт АПЛ кашфиётига айланиб бормоқда. Унинг ўзига бўлган ишончи ва майдонда унверсаллиги боис, терма жамоадан ҳам чақирув олишга муваффақ бўлгани эътиборга молик. «Челси»нинг асосий футболчиси сифатида тўп сураётган футболчининг бир мавсум аввалроқ трансфермаркетдаги нархи 10 миллион атрофида баҳоланган бўлса, эндиликда ушбу нарх нақд 25 миллион еврога кўтарилиб кетди. 20 ёшлик футболчининг ўзи клубда қолишни истамоқда, демак уни қўлга киритишни истаган клублар янада кўпроқ тўлашга мажбур бўлишади.

Ансу Фати

«Барселона» сафидаги ҳужумчиларнинг жароҳатлари туфайли катта футболга илк қадамларини қўйган ўспирин болакай ҳақида бундан 3 ой илгари деярли ҳеч ким ҳеч нарса билмас эди.

Ўзига билдирилган ишончни тўлиқ оқлашни уддалаган футболчининг трансфер қиймати ўтган мавсум сўнггида 1 миллион евро атрофида баҳоланган бўлса, ҳозирда уни қўлга киритишни истаган жамоа 30 миллио евродан воз кечиси талаб этилади. Бу шунчаки Трансфермаркетнинг ҳисоб-китоби бўйича холос! Аслида бундай иқтидорли футболчини қўлга киритиш учун фантистик суммалар таклиф этилиши ҳеч гап эмас. Агарда Валверде Ансу Фати учун мавсум сўнггига қадар ўйин амалиётига эга бўлиш имконини яратиб берса, унинг нархи янада кўтарилиши турган гап.

Жоа Фелиш

Роналдунинг вориси сифатида алоҳида эътиборда турган португалиялик ёш иқтидор эгаси, янги мавсум стартида ўзини тўлиқ кўрсатишга муваффақ бўлмоқда ва жамоанинг янги етакчиси эканлигини исботлашга урунмоқда. Ҳужумнинг исталган нуқтасида тўп сура оладиган даражада универсал футболчи саналадиган Фелиш барчани ўзига қаратишда давом этмоқда. Ҳозирда унинг трансфер бозоридаги нархи 100 миллион еврони ташкил этмоқда. Бу бир неча ой аввалги нархдан 30 миллион кўпроқ дегани. Мана буни ўсиш деса, бўлади. Агарда "Атлетико Мадрид" Флишни янги даражага олиб чиқишнинг уддасидан чиқса, Фелиш келажакда енг қиммат футболчилардан бирига айланиши ҳеч гап эмас.