Кеча Италиянинг Милан шаҳрида йилнинг энг яхшиларини тақдирлаш маросими ўтказилди.
ФИФА португалиялик ҳужумчи Криштиану Роналдунинг тадбирга келишини кутган эди. Аммо маросим ўтказилган жойдан атиги 150 км узоқликда яшовчи футболчи унда кўриниш бермади.
Marca хабарига кўра, ФИФА раҳбарияти ва хусусан президент Жанни Инфантино бундан дарғазаб бўлди. Натижада, йилнинг рамзий терма жамоасига киритилган бўлишига қарамай, Роналдунинг исми тадбирда тилга олинмади.
Эслатиб ўтамиз, йилнинг энг яхши футболчиси соврини «Барселона» ҳужумчиси Лионель Мессига берилди.
