"Ювентус" ҳимоячиси Маттейс де Лигт Турин жамоасига мослашуви хақидаги фикрлари билан ўртоқлашди.
Эслатиб ўтамиз, 20 ёшли ҳимоячи ўтган ёзда Амстердамнинг "Аякс" клубидан "Ювентус" сафига келиб қўшилган эди.
"Мен йигитлар қандай ўйнашини тушуна бошладим. "Байер"ни мағлуб этганимиз жуда яхши. Ҳозир ҳаммаси яхши кетмоқда. Мен "Аякс"да сардор эдим, у ерда гапириш ҳуқуқига эга эдим, бу ерда эса ўз жойимни топишим керак эди. Энди мен уни топганимни ҳис қиляпман ва бундан мамнунман.
Бизда янги мураббий бор ва фақатгина мен мослашишим керак эмас. Афсуски, мен муваффақиятсиз бошладим, лекин ҳар куни ва ҳар бир ўйинда қўшиб боришим керак. Мен ҳозир шундай қиляпман, ҳаммаси яхши кетяпти », - дея де Лигтнинг сўзларини Football Italia нашри келтирмоқда.
Чемпионлар лигасининг 2-тур доирасида "Ювентус" ўз майдонида "Байер"ни 3: 0 ҳисобида мағлуб этди.
Д гуруҳида Туринликлар 4 очко билан Мадриднинг "Атлетико" жамоаси билан 1-2 ўринларни бўлишиб турибди.
