"Yuventus" himoyachisi Matteys de Ligt Turin jamoasiga moslashuvi xaqidagi fikrlari bilan o‘rtoqlashdi.

Eslatib o‘tamiz, 20 yoshli himoyachi o‘tgan yozda Amsterdamning "Ayaks" klubidan "Yuventus" safiga kelib qo‘shilgan edi.

"Men yigitlar qanday o‘ynashini tushuna boshladim. "Bayer"ni mag‘lub etganimiz juda yaxshi. Hozir hammasi yaxshi ketmoqda. Men "Ayaks"da sardor edim, u yerda gapirish huquqiga ega edim, bu yerda esa o‘z joyimni topishim kerak edi. Endi men uni topganimni his qilyapman va bundan mamnunman.

Bizda yangi murabbiy bor va faqatgina men moslashishim kerak emas. Afsuski, men muvaffaqiyatsiz boshladim, lekin har kuni va har bir o‘yinda qo‘shib borishim kerak. Men hozir shunday qilyapman, hammasi yaxshi ketyapti », - deya de Ligtning so‘zlarini Football Italia nashri keltirmoqda.

Chempionlar ligasining 2-tur doirasida "Yuventus" o‘z maydonida "Bayer"ni 3: 0 hisobida mag‘lub etdi.

D guruhida Turinliklar 4 ochko bilan Madridning "Atletiko" jamoasi bilan 1-2 o‘rinlarni bo‘lishib turibdi.