«Барселона»нинг франциялик футболчилари — Усмон Дембеле, Самуэль Умтити, Клеман Лангле, Жан-Клер Тодибо ва Антуан Гризманн клубнинг Ютубдаги канали орқали трансляция қилинган "Most Likely To" номли шоу-дастурда иштирок этишди.
Дастур давомида уларга бир нечта саволлар берилди ва футболчилар ўз жавобларини қоғозга ёзиб кўрсатишди.
"Аэропорт томон йўл олишдан олдин қайси футболчи ўз паспортини унутиб қолдиради?", деган саволга барча ўйинчилар Дембеленинг исмини ёзишди, Усмоннинг ўзи эса Гризманнга "овоз берди".
"Машинасини қаерга қўйганини ким эсидан чиқариб қўяди?", деган саволга ҳам футболчилар яна шундай жавоб беришди. Тўрт нафар ўйинчи Усмонни танлашган бўлса, Дембеленинг ўзи Умтити, дея жавоб берди.
