18-20 октябрь кунлари Болгариянинг София шаҳрида таэквондо бўйича мавсумнинг учинчи Гран-при турнири бўлиб ўтади. Жаҳоннинг энг сара 32 нафар таэквондо усталари баҳс олиб борадиган ушбу мусобақада Ўзбекистон терма жамоаси шарафини 6 нафар вакилимиз ҳимоя қилади.
Делегациямиз бугун Тошкент-Истанбул-София йўналиши бўйлаб Болгария сафарига йўл олди. София Гран-приси мавсумдаги учинчи серия турнири ҳисобланиб, олдинда фақат Москвада финал Гран-приси қолади. Таъкидлаш жоиз, Мадинубону Маннопова (-49 кг) ҳамда Чарос Қаюмова (-57 кг) Софияда Гран-при туркумидаги мусобақада дебют қилишади. Спортчиларимиз тўлиқ таркиби қуйидагича:
-80 кг Никита Рафалович
+87 кг Дмитрий Шокин
-49 кг Мадинабону Маннопова
-53 кг Чарос Қаюмова
-67 кг Нигора Турсунқулова
+67 кг Светлана Осипова
Эслатиб ўтамиз, мусобақа ғолиби Токио Олимпиадаси учун 40 рейтинг очкосига ҳам эга бўлади.
