18-20 oktyabr kunlari Bolgariyaning Sofiya shahrida taekvondo bo‘yicha mavsumning uchinchi Gran-pri turniri bo‘lib o‘tadi. Jahonning eng sara 32 nafar taekvondo ustalari bahs olib boradigan ushbu musobaqada O‘zbekiston terma jamoasi sharafini 6 nafar vakilimiz himoya qiladi.
Delegasiyamiz bugun Toshkent-Istanbul-Sofiya yo‘nalishi bo‘ylab Bolgariya safariga yo‘l oldi. Sofiya Gran-prisi mavsumdagi uchinchi seriya turniri hisoblanib, oldinda faqat Moskvada final Gran-prisi qoladi. Ta’kidlash joiz, Madinubonu Mannopova (-49 kg) hamda Charos Qayumova (-57 kg) Sofiyada Gran-pri turkumidagi musobaqada debyut qilishadi. Sportchilarimiz to‘liq tarkibi quyidagicha:
-80 kg Nikita Rafalovich
+87 kg Dmitriy Shokin
-49 kg Madinabonu Mannopova
-53 kg Charos Qayumova
-67 kg Nigora Tursunqulova
+67 kg Svetlana Osipova
Eslatib o‘tamiz, musobaqa g‘olibi Tokio Olimpiadasi uchun 40 reyting ochkosiga ham ega bo‘ladi.