Мадриднинг "Реал" клуби "эл-класико"нинг янги муддати борасида баёнот берди.
"Испания қироллик футбол федерацияси рақобат қўмитасининг "Барселона" ва "Реал" клублари ўртасидаги 26 октябрь куни ўтказилиши керак бўлган ўйинни бошқа муддатга қолдириш ҳақидаги қарорига бўйсунган ҳолда шуни айтамизки, биз бу учрашувни 18 декабрь куни ўтказилишини истаймиз", — дейилади баёнотда.
Аввалроқ "Барселона" ҳам баёнот бериб, "эл-класико"ни 18 декабрь куни ўтказиш тарафдори эканини маълум қилганди. Аммо Ла лига президенти Испания кубоги ўйинлари туфайли "класико"нинг 18 декабрь куни ўтказилишини истамаяпти ва 7 декабрь санасини таклиф қилмоқда. Испания қироллик футбол федерацияси эса 18 декабрь санасини қўллаб-қувватламоқда.