Италиянинг "Милан" клуби шу кунгача А Серияда 8 та ўйин ўтказиб, 10 очко жамғаришга эришди.
Opta нашрининг хабар беришича, бу "россонерлар"нинг сўнгги 7 йил ичидаги Италия чемпионатидаги энг ёмон старти.
“Милан” 2012/13 йилги мавсумнинг дастлабки 8 учрашувида 7 очко жамғарган эди, лекин мавсум якунига кўра, учинчи ўринни эгаллаган эди.
Ҳозирги кунда эса “Милан” А Сериянинг 12-поғонасини банд этиб турибди.
Икки ҳафта муқаддам "Милан" Марко Джампаолони ўз лавозимидан озод қилиб, унинг ўрнига Стефано Пиолини тайинлади.