Англиянинг "Манчестер Юнайтед" клуби собиқ футболчиси Рой Кин "Ливерпуль" клубига қарши (1:1) ўтказилган учрашувдан сўнг, “МЮ” футболчиларини кескин танқид остига олди.
"Мен улардан жирканаман. Сизлар урушга кетяпсизлар, улар туннел ёнида туриб, қучоқлашиб кўришишмоқда. Улар билан сизларни жанг кутмоқда.
Футбол айтарли ўзгармаган, футболчилар ўзгарган холос. Сизлар рақиб футболчилари билан урушга кетяпсизлар. Сизлар бўлса улар билан қучоқлашиб турибсизлар. Ўйиндан кейин кўришиб, гаплашиш керак, ҳатто, гаплашманглар ҳам", - Киннинг сўзларидан иқтибос келтирмоқда Sky Sports.
Эслатиб ўтамиз, ўйиндан олдин туннел ёнида Давид Де Хеа Алиссон билан, шунингдек, Бразилия терма жамоаси аъзолари - Роберто Фирмино, Фабиньо, Фред, Андреас Перейра, Англия терма жамоаси футболчилари - Трент Александер-Арнолд, Маркус Рэшфорд, Шотландия терма жамоаси аъзолари - Эндрю Робертсон, Скотт Мактоминейлар биргаликда суҳбатлашиб туришганди.
