Англия чемпионатининг 11-тури доирасида «Эвертон» ўз майдонида «Тоттенхэм» билан ўйинда дуранг қайд этди.
Учрашувнинг 79-дақиқасида лондонликлар ҳужумчиси Сон Хеунг Мин мезбонлар ярим ҳимоячиси Андре Гомешга қарши қоидабузарлик содир этди. Тўқнашув натижасида португалиялик футболчининг оёғи тўпиқ қисмидан синиб кетди.
Буни кўрган кореялик футболчи йиғлаб юборди. Ҳакам эса Сон Хеунг Минга тўғридан-тўғри қизил карточка кўрсатди.