Биласиз, Ўзбекистон миллий жамоаси ноябрь ойида ЖЧ-2022 саралаш босқичида Саудия Арабистони ва Фаластин жамоаларига қарши майдонга чиқади. Ана шу ўйинларга тайёргарлик олиб бораётган Вадим Абрамов жамоаси 9 ноябрь куни Қирғизистон миллий жамоасига қарши ўртоқлик ўйини ўтказишидан хабардорсиз. Бу ўйин Тошкентдаги "Пахтакор" стадионида бўлиб ўтиши режаланган.
Бироқ, ўйин ТВ орқали трансляция қилинмайди, дея инсайд билан ўртоқлашди манбамиз.
"Бу Вадим Абрамов истаги. У Саудия Арабистони вакиллари жамоамизни ўрганиб олишини истамаяпти. Ўртоқлик ўйинида унинг ўз ўйланмалари бордирки, шундай қарорга келган. Марҳамат, стадионга боринглар, мухлислар", дейди манба.
