“Ростов” клубида молиявий қийинчиликлар юзага келган дея хабар тарқатмоқда «СЭ».
Манбанинг ёзишича, «Ростов» клуби футболчилар ва мураббийлар олдида уч ойлик мукофот пуллари ва маошлари бўйича қарздорлиги йиғилиб қолган.Жамоани сўнгги пайтларда молиявий томондан клуб президенти Арташес Арутюнянцнинг компанияси қўллаб-қувватлаб келмоқда.
Айтилишича, агар молиявий инқироз шу тарзда давом этадиган бўлса «Ростов» қишки трансфер бозорида бир қатор футболчиларини сотишга мажбур бўлади. Жамоани Дмитрий Чистяков, Матиас Норманн, Ивелин Попов, Роман Еременко, Алексей Ионов ва шунингдек Элдор Шомуродов ҳам тарк этиши мумкин.
Жамоадан нафақат футболчилар, балки, клуб президенти Арташес Арутюнянц, бош мураббийи Валерий Карпин ва спорт директори Алексей Рыскинлар ҳам тарк этиши мумкин.