Аргентина терма жамоаси бош мураббийи Лионель Скалони ўртоқлик учрашувида Бразилия (1:0) терма жамоасига қарши ўтказилган учрашувдан кейинги фикрлари билан ўртоқлашди.
— Биринчи бўлимда ҳам яхши ўйин намойиш этишимиз мумкин эди, аммо, қаршимизда Бразилия терма жамоаси турганди. Шу боис, умуман олганда барчаси жойида. Иккинчи бўлимда кўрсатган ўйинимиз менга ёқди. Танаффус пайтида баъзи бир ўзгартиришларни амалга оширдик. Ғалаба қозонганимиз муҳим, бундай юқори савияли ўйинларда баъзи футболчилар тажриба ортиради. Бугунги баҳс Америка Кубоги турниридаги ўйин билан фарқ қилди. Барча учрашувлар бир-биридан фарқ қилади, лекин бугунгидек ғалабалар ширин хотира бўлиб қолади, — деди Скалони A Bola нашрига берган интервьюсида.