Argentina terma jamoasi bosh murabbiyi Lionel Skaloni o‘rtoqlik uchrashuvida Braziliya (1:0) terma jamoasiga qarshi o‘tkazilgan uchrashuvdan keyingi fikrlari bilan o‘rtoqlashdi.
— Birinchi bo‘limda ham yaxshi o‘yin namoyish etishimiz mumkin edi, ammo, qarshimizda Braziliya terma jamoasi turgandi. Shu bois, umuman olganda barchasi joyida. Ikkinchi bo‘limda ko‘rsatgan o‘yinimiz menga yoqdi. Tanaffus paytida ba’zi bir o‘zgartirishlarni amalga oshirdik. G‘alaba qozonganimiz muhim, bunday yuqori saviyali o‘yinlarda ba’zi futbolchilar tajriba ortiradi. Bugungi bahs Amerika Kubogi turniridagi o‘yin bilan farq qildi. Barcha uchrashuvlar bir-biridan farq qiladi, lekin bugungidek g‘alabalar shirin xotira bo‘lib qoladi, — dedi Skaloni A Bola nashriga bergan intervyusida.