Бельгия терма жамоаси ҳужумчиси Ромелу Лукаку Россия терма жамоасининг ўйинларини баҳолади.
- Россия — кучли жамоа. Улар Европа чемпионатида муваффақиятли иштирок этишлари мумкин. Бугунги ўйинга келса, уларнинг таркибида Головин ва Черышевларнинг йўқлиги салбий таъсир кўрсатди. Россия терма жамоаси ҳужумчиси Артём Дзюбанинг ўйини менга ёқди, ўйлайманки, бу гапим билан ҳеч кимни ажаблантирмайман. У яхши футболчи, якка курашларда жуда фаол иштирок этади. Умуман олганда, Россия баъзан чиройли кўринди, —Лукакунинг сўзларидан иқтибос келтирмоқда «РБК-Спорт».