Италия чемпионатининг 13-туридан ўрин олган марказий учрашув якунига етди. «Аталанта» ўз уйида «Ювентус»га қарши жуда яхши ўйин намойиш қилиб, мағлубият аламини тортишга мажбур бўлди.

Айниқса, бергамоликлар танаффусга қадар рақиб дарвозасига камида 2та тўп киритишлари керак эди. 16-дақиқада тўп Сами Хедиранинг қўлига теккани боис "Ювентус" дарвозасига пенальти белгилади. Муса Барроу томонидан йўлланган зарба устунга тегиб қайтди.

Бўлим ўрталарида эса мезбонлар яна 2та вазиятга эга бўлишди. "Кекса синьора" посбони Войцех Шчесни ва ҳимоячи Маттиа Де Шильо қийин вазиятда ўз жамоасини қутқаришди.

Иккинчи бўлим бошида эса "Аталанта" ҳисобни очишга муваффақ бўлди. Барроунинг узатмасидан кейин Робин Госенс бош билан дарвозани ишғол этишга муваффақ бўлди.

Ғолиблик ДНКсига эга бўлган "Ювентус" қолган дақиқаларда 3та ҳужум уюштирди ва 3та гол уриб, ғалабани илиб кетди. Игуаин дублга эришган бўлса, Пауло Дибала ўз ҳисобига битта гол ёзди.

Ушбу ғалаба туфайли "Юве" ўзининг мағлубиятсиз ўйинлар сериясини 35тага етказиб, пешқадамлигини мустаҳкамлади.

Италия А серияси, 13-тур
Аталанта – Ювентус 1:3 (0:0, 1:3)
Голлар: 1:0 – 56 Госенс, 1:1 – 74 Игуаин, 1:2 – 82 Игуаин, 1:3 – 90 Дибала.
Аталанта – Голлини, Хатебур, Толои, Гимшити, Госенс (Кастань, 71), Гомес, Пашалич, Фройлер (Траоре, 85), де Рон, Паломино, Барроу (Муриэль, 57).
Ювентус – Шченсни, Бонуччи, де Лигт, Де Шильо, Пьянич, Куадрадо, Бентанкур (Дуглас Коста, 58), Хедира (Эмре Жан, 70), Бернардески (Рэмзи, 26), Дибала, Игуаин.
Огоҳлантиришлар: Игуаин (7), Паломино (10), Дибала (27), Фройлер (41), Госенс (45), Куадрадо (45), Толои (61), Голлини (82).