Франциянинг «ПСЖ» клуби бош мураббийи Томас Тухель Неймарни “Реал”га қарши баҳсда заҳирада қолдирганига изоҳ берди.
— Мен у билан гаплашганимда, у иккинчи бўлимда майдонга тушмоқчи эканлигини айтди. У олти ҳафта машғулотларда иштирок этмади, бугунги кунгача битта учрашувда майдонга тушганди ва таваккалчиликка қўл уриш мумкин эмас эди.
Жароҳат олишидан сақланишимиз керак эди. Кўпроқ ҳимояда ўйнашимизга тўғри келганди, шу боис уни заҳирада қолдиришга қарор қилдим. Унинг саломатлиги учун мен жавобгарман. Бу қарордан кейин Неймарни йўқотишдан қўрқмайман, чунки билан билан муносабатларимиз аъло ва ҳеч қандай муаммо йўқ, — деди Тухель.
