Лондоннинг «Тоттенхэм» клуби бош мураббийи Жозе Моуриньо ЕЧЛ доирасида «Олимпиакос» (4:2) клуби устидан қозонилган ғалаба ҳақидаги фикрлари билан ўртоқлашди.

—Эриксеннинг Дайерга алмаштирилиши жамоа манфаати юзасидан амалга оширилди. Майдонда янги қарорлар излашимиз керак эди. 0:2 ҳисобида ортда бораётганимизда рақиб барча жойни ёпди ва Деле Алли билан бирга рақиб ҳимоясининг нозик нуқталарини излайдиган яна бир футболчи керак эди. Гап бирор бир футболчининг эмас, бутун жамоа ҳақида кетмоқда.

Биз плей-офф босқичига йўл олдик — бу биз учун ва мухлисларимиз учун муҳим ондир. Буни амалга ошириш осон бўлмади. Рақиб яхши ташкил этилган жамоа, ўзларига бўлган ишончи юқори. Ўз майдонимизда футболчиларим бундай босимни ҳис қилишади деб ўйламагандим.Мен футболчилардан хотиржамликни сақлашларини, ўзларига ишонишларини сўрагандим, — деди Моуриньо.