Ўзбекистон Суперлигаси 26-туридан ўрин олган “Бунёдкор” ҳамда “Сўғдиёна” жамоалари ўртасидаги ўйин якунланди. Ўйиндан кейинги матбуот анжуманинг биринчи қисмида меҳмонлар устози Улуғбек Бақоев иштирок этиб саволларга жавоб бериб ўтди.
“Бунёдкор”ни табриклайман. Ўйин ҳаққоний бўлди. Рақибга ОЧЛда омад тилайман. Мавсумни аъло даражада ўтказган футболчиларимга катта раҳмат айтаман.
Селекция билан ишлаш доим қийин. Мураббий ўз услубига қараб футболчи танлайди. Бироқ футболчиларим 3-ўринга мос эди. Ҳар бир жамоа ғалаба учун вақтни чўзади. Бу ҳақида гапиришни хоҳламайман.
Тўғри гол ургандан сўнг ҳужумкор ўйнадик. Менимча, ўйин бошида футболчилар гол ўтказиб қўйишдан қўрқиб ҳимоявий ўйнашди.
Биз мағлубият учун ўйнамадик. Рақиб кучли эди. Биз уларни қарши ҳужумларда жазолашга ҳаракат қилдик”, -дея Боқоев сўзларини келтирмоқда Stadion.uz мухбири.
