Ҳозиргина «Сассуола» ва «Ювентус» жамоалари ўртасидаги учрашув жанговар дуранг билан якунланганидан хабарингиз бор. Ўйиндан сўнг, журналистлар «Юве»нинг португалиялик ҳужумчисидан интервью олишди ва «Фут Базза» нашри уни ҳозиргина эълон қилди. Ушбу интервьюни эътиборингизга тақдим этамиз.

Роналду

Бугунги учрашувдан сўнг, ўзим ва жамоадошларимдан кўнглим тўлгани йўқ. Бу мен ўтказган ўйинларнинг энг ёмони сифатида хотирамда қолади. Афсуски, бу футбол ва унда ҳар доим ҳам сиз истагандек бўлавермайди.

Шундай бўлсада, «Ювентус» бундай учрашувларда ўзини қўлга олиши ва осонлик билан ташаббусни рақибдан тортиб олиши лозим. Акс холда, йўқотилган очколар мавсум сўнггида бизга панд бериб қўйиши мумкин. Унутмаслигимиз лозим, биз чемпионлармиз ва бу маъсулиятни чуқур ҳис этишимиз шарт. Мен шундай катта клубнинг бир бўлаги эканлигимдан фахрланаман. Шунга қарамай, баъзан менга шерикларимнинг кўмаги етмаяпти. Менинг бу ерда фақатгина бир мақсад ушлаб турибди. Ўз исмимни клуб тарихига ёзиб қўйиш.

Бу клубга келишимдан олдин янги совринларни ютишни жуда ҳам истаётган эдим. Ушбу истак заррача камайгани йўқ. Мен ҳали-ҳамон катта ғалабалрга ўчман. Жамоадошларимда ҳам ана шундай руҳий тайёргарлик бўлишини жуда истайман. Бу олдига катта мақсадлар қўйган футболчи учун жуда муҳим.