Парижда "Олтин тўп"ни топшириш маросими бўлиб ўтмоқда. Тадбирнинг иккинчи совриндори аниқ бўлди.

Илк марта дарвозабонлар учун ташкил этилган Лев Яшин номидаги соврин «Ливерпуль» посбони Алиссон Беккерга топширилди. 27 ёшли дарвозабон ушбу соврин учун курашда Марк-Андре тер Штеген ("Барселона") ва Эдерсон ("Манчестер Сити")ни ортда қолдирди.

Шунингдек, ушбу номинацияга Войцех Шчесни («Ювентус»), Андре Онана («Аякс»), Мануэл Нойер («Бавария»), Ян Облак («Атлетико»), Самир Ханданович («Интер»), Кепа Аррисабалага («Челси») ва Уго Льорис («Тоттенхэм»)нинг номзодлари ҳам киритилган эди.