Туриннинг "Ювентус" клуби ҳужумчиси Пауло Дибала яқин вақтлар ичида жамоа билан шартномасини узайтиради дея хабар тарқатмоқда Football Italia портали.
Манбанинг ёзишича, "Кекса синьора" аргентиналик футболчи билан 2024 йилгача шартномани узайтирмоқчи. Айтилишича, янги шартномада Дибаланинг йиллик маоши 9 миллион евро қилиб белгиланади.
26 ёшли футболчининг “Юве” билан амалдаги шартномаси 2022 йилнинг 30 июнигача мўлжалланган.
Аввалроқ, Дибалага "Манчестер Юнайтед", "Тоттенхэм" ва "Пари Сен-Жермен" клублари қизиқиш билдираётгани ҳақида хабарлар янграган эди.