Turinning "Yuventus" klubi hujumchisi Paulo Dibala yaqin vaqtlar ichida jamoa bilan shartnomasini uzaytiradi deya xabar tarqatmoqda Football Italia portali.
Manbaning yozishicha, "Keksa sinyora" argentinalik futbolchi bilan 2024 yilgacha shartnomani uzaytirmoqchi. Aytilishicha, yangi shartnomada Dibalaning yillik maoshi 9 million yevro qilib belgilanadi.
26 yoshli futbolchining “Yuve” bilan amaldagi shartnomasi 2022 yilning 30 iyunigacha mo‘ljallangan.
Avvalroq, Dibalaga "Manchester Yunayted", "Tottenxem" va "Pari Sen-Jermen" klublari qiziqish bildirayotgani haqida xabarlar yangragan edi.