Англиянинг "Ливерпуль" клуби ярим ҳимоячиси Джордан Хендерсон ЕЧЛ доирасида "Зальцбург" клубига қарши бўлиб ўтадиган учрашув ҳақидаги фикрлари билан ўртоқлашди.
"Бугунги ўйин биз учун мавсумдаги энг муҳими ҳисобланади . Плей-офф босқичига чиқишимиз учун майдонда 100 фоиз кучимизни ишга солишимиз керак. Ижобий натижага эришиш учун ўзимизнинг ўйинимизни кўрсатишимиз керак. Ўз кучимизга ишонаман. Агар ўз савиямизда ўйнасак барчаси жойида бўлади.
"Зальцбург" албатта хавфли жамоа, буни "Энфилд"да бўлиб ўтган биринчи учрашувимиз исботлаб турибди. Улар қарши ҳужумда хужа хавфли ўйин намойиш этишади ва стандарт вазиятлардан фойдаланишга ҳаракат қилишади. Биз ҳимояда ишончли ўйин намойиш этишимиз шарт", - деди Хендерсон УЕФА расмий сайтига.