Angliyaning "Liverpul" klubi yarim himoyachisi Djordan Xenderson YECHL doirasida "Zalsburg" klubiga qarshi bo‘lib o‘tadigan uchrashuv haqidagi fikrlari bilan o‘rtoqlashdi.
"Bugungi o‘yin biz uchun mavsumdagi eng muhimi hisoblanadi . Pley-off bosqichiga chiqishimiz uchun maydonda 100 foiz kuchimizni ishga solishimiz kerak. Ijobiy natijaga erishish uchun o‘zimizning o‘yinimizni ko‘rsatishimiz kerak. O‘z kuchimizga ishonaman. Agar o‘z saviyamizda o‘ynasak barchasi joyida bo‘ladi.
"Zalsburg" albatta xavfli jamoa, buni "Enfild"da bo‘lib o‘tgan birinchi uchrashuvimiz isbotlab turibdi. Ular qarshi hujumda xuja xavfli o‘yin namoyish etishadi va standart vaziyatlardan foydalanishga harakat qilishadi. Biz himoyada ishonchli o‘yin namoyish etishimiz shart", - dedi Xenderson UEFA rasmiy saytiga.