«Barselona» klubi darvozaboni Voysex Shesni hozirda «Inter Mayami» sharafini himoya qilayotgan Lionel Messini faoliyatidagi eng murakkab raqib deb hisoblashini ochiqladi. Bu haqda taniqli insayder Fabrisio Romano xabar bermoqda.
Polshalik posbonning so‘zlariga ko‘ra, Messi unga juda ko‘p gol urmagan bo‘lsa-da, maydondagi harakatlari bilan doimo katta xavf tug‘dirgan.
«Men to‘qnash kelgan eng qiyin hujumchi — bu Lionel Messi. Balki menga undan ko‘proq gol urgan boshqa hujumchilar bo‘lgandir, chunki Leo darvozamga bor-yo‘g‘i uchta gol urgan, xolos. Biroq u men qo‘rqqan yagona futbolchi bo‘lib qolmoqda. U o‘ta xavfli o‘yinchi», — deya Shesnining so‘zlarini keltiradi manba.
Ma’lumot uchun, 36 yoshli Voysex Shesni 2024 yildan buyon «Barselona» safida harakat qilmoqda. Joriy mavsumda polshalik darvozabon barcha turnirlar doirasida 10 ta o‘yinda maydonga tushib, 17 ta gol o‘tkazib yubordi.
