“Вест Хэм” клуби устидан қозонилган ғалабадан кейин “Арсенал” клуби сардори хурсандчилигини яширмади. Учрашувдаги голларнинг бирига муаллифлик қилган Пьер-Эмерик Обамеянг қўлга киритган ғалаба ҳақида фикр билдирди.

"Ўйлашимча, иккинчи бўлимда яхши ўйин намойиш этдик ва шу боис ғалаба қозондик. Юқори савияда меҳнат қилишга ҳаракат қилдик, тезкор ўйин намойиш этишга ва бўш ҳудудларни топишга ҳаракат қилдик ва буларни уддаладик. Танаффус чоғида Фредди Люнгберг бизга фаолроқ ўйнашимиз кераклигини айтди. Қийин бўлди, лекин бизда кучли таркиб бор, олдинга қадам ташлашга ва керакли ғалабаларни қўлга киритишда ўзимизга ишонамиз. Ушбу учрашувнинг иккинчи бўлимини мавсумнинг қолган қисмига намуна қилиб оламиз", — Обамеянгнинг сўзларидан иқтибос келтирмоқда BBC.