“Vest Xem” klubi ustidan qozonilgan g‘alabadan keyin “Arsenal” klubi sardori xursandchiligini yashirmadi. Uchrashuvdagi gollarning biriga mualliflik qilgan Pyer-Emerik Obameyang qo‘lga kiritgan g‘alaba haqida fikr bildirdi.
"O‘ylashimcha, ikkinchi bo‘limda yaxshi o‘yin namoyish etdik va shu bois g‘alaba qozondik. Yuqori saviyada mehnat qilishga harakat qildik, tezkor o‘yin namoyish etishga va bo‘sh hududlarni topishga harakat qildik va bularni uddaladik. Tanaffus chog‘ida Freddi Lyungberg bizga faolroq o‘ynashimiz kerakligini aytdi. Qiyin bo‘ldi, lekin bizda kuchli tarkib bor, oldinga qadam tashlashga va kerakli g‘alabalarni qo‘lga kiritishda o‘zimizga ishonamiz. Ushbu uchrashuvning ikkinchi bo‘limini mavsumning qolgan qismiga namuna qilib olamiz", — Obameyangning so‘zlaridan iqtibos keltirmoqda BBC.
