Европа лигасида гуруҳ босқичи якунланиб, плей-оффда иштирок этадиган 32та жамоанинг номи аниқ бўлди. 1/16 финал босқичига ташланадиган қуръа ҳақида фойдали маълумотлар билан таништириб ўтамиз.

Қачон?
Қуръа ташлаш маросими 16 декабрь, душанба куни УЕФА қароргоҳи жойлашган Ньон шаҳрида бўлиб ўтади. Тадбир Тошкент вақти билан 17:30да бошланади.

Кимлар иштирок этади?
Қуръада Европа лигаси гуруҳ босқичида 1-ўринни эгаллаган 12та жамоа, гуруҳда 2-ўринни банд этган 12та клуб ва Европа чемпионлар лигаси гуруҳ босқичида 3-ўринни эгаллаган 8та жамоа иштирок этади.

"Танланганлар"
"Арсенал" (Англия)
"Аякс" (Голландия)*
"Базель" (Швейцария)
"Бенфика" (Португалия)*
"Брага" (Португалия)
"Гент" (Бельгия)
"Зальцбург" (Австрия)*
"Интер" (Италия)*
"Истанбул Башакшеҳир" (Туркия)
ЛАСК (Австрия)
"Мальме" (Швеция)
"Манчестер Юнайтед" (Англия)
"Порту" (Португалия)
"Севилья" (Испания)
"Селтик" (Шотландия)
"Эспаньол" (Испания)

"Танланмаганлар"

"Айнтрахт" (Германия)
"Алкмаар" (Голландия)
АПОЕЛ (Кипр)
"Байер" (Германия)*
"Брюгге" (Бельгия)*
"Вольфсбург" (Германия)
"Вулверхэмптон" (Англия)
"Копенгаген" (Дания)
"Лудогорец" (Болгария)
"Олимпиакос" (Греция)*
"Рейнджерс" (Шотландия)
"Рома" (Италия)
"Спортинг" (Португалия)
"Хетафе" (Испания)
ЧФР (Руминия)
"Шахтёр" (Украина)*

* ЕЧЛдан ўтган жамоалар

Саватчаларга қандай ажратилган?
Барча иштирокчилар 2та — "танланганлар" ва "танланмаганлар" саватчаларга ажратилган. Европа лигасида гуруҳ ғолиблари ва ЕЧЛдан ўтган жамоалар орасида энг яхши коэффициентга эга бўлган 4та клуб "танланганлар" гуруҳига қўшилди.

Қуръа тартиби

— "Танланганлар" жавоб ўйинини ўз уйларида ўтказишади.

— Европа лигасини битта гуруҳда ўтказган жамоалар ҳамда бир мамлакат вакиллари ушбу босқичда ўзаро тўқнаш келишмайди.

— Бошқа чекловлар ҳақида қуръа пайтида эълон қилинади.

1/16 финал ўйинлари қачон ўтказилади?
Дастлабки ўйинлар 20 февраль, жавоб учрашувлари 27 февраль кунлари ўтказилади. Ўйинлар Тошкент вақти билан 22:55 ва 01:00да бошланади. Нимчорак финалга қуръа ташлаш маросими 28 февраль куни бўлиб ўтади.