Бош мураббий Мухаммадиев Муҳсин Муслимович келаси мавсум ҳам жамоадаги фаолиятини давом эттиради. Бу ҳақда клубнинг телеграмдаги канали хабар берди.
“Муҳсин Муслимович жамоамизни июн ойида қабул қилиб олган эди. Бош мураббий бошчилигида жамоамиз 16та ўйинда майдонга тушиб, 4 ғалаба, 5 дуранг ва 7 мағлубият қайд этган. Мураббийга клуб раҳбарияти томонидан ишонч билдирилди. Муслимович ҳам ўз навбатида рақобатбардош жамоа тузишга ва келаси мавсумга жамоа билан пухта тайёргарлик олиб боришини такидлади. Шунингдек ёрдамчи мураббий Ширинбеков Олег Ҳакимбекович ҳам келаси мавсум ўз ишини давом эттиради”, -дея баёнот берди клуб матбуот хизмати.
