La Prensa нашрининг тарқатган маълумотига қараганда, Италиянинг «Женоа» клуби янги бош мураббийи Диего Лопес бўлади. Лопес клуб раҳбарияти билан келишувга эришди.
45 ёшли уругвалий мутахассис 27 декабрь куни «Женоа» клуби бош мураббийи этиб расман тайинланади.
Лопеснинг сўнгги клуби Уругвайнинг «Пеньяроль» клуби бўлган эди. Унгача эса «Кальяри», «Палермо» ва «Болонья» клубларида ишлашга муваффақ бўлган.
“Женоа”нинг амалдаги бош мураббийи Тьяго Моттанинг тақдирига«Интер» клубига қарши бугун бўлиб ўтадиган учрашувдан кейин ойдинлик киритилади.
