Англиянинг «Манчестер Сити» клуби бош мураббийи Пеп Гвардиола жамоадан кетиши мумкинлиги ҳақидаги миш-мишларга ойдинлик киритди.
«Бир неча маротаба такрорладим, менга бу ер ёқади ва мен «Манчестер Сити»да имкон қадар узоқроқ қолишни хоҳлайман. Менинг ниятим шу. Ишонаманки, клуб ҳам шундай қилади.
Агар менинг шартномам ўз якунига етса, мен «Ман Сити»да беш йил ишлаган бўламан. Агар инсон бир жой узоқ муддат ишласа, бу икки тарафнинг хоҳиши билан амалга ошган бўлади. Шошилишга ҳожат йўқ, чунки менинг шартномам уч ойдан кейин ўз якунига етмайди»-деди испаниялик мутахассис.
