Лондоннинг «Тоттенхэм» клуби ҳужумчиси Сон Хын Мин АПЛнинг 18-тур доирасида “Челси” клубига қарши бўлиб ўтган учрашувдан четлатилди.
Бу четлатиш Жанубий Кореялик футболчининг 2019 йилдаги учинчи четлатилиши бўлди. Бунгача у 4 май куни «Борнмут» (0:1) ва 3 ноябрь куни «Эвертон» (1:1) клубига қарши учрашувларда қизил карточкага раво кўрилганди.
Сон Хын Мин сўнгги 22 йилдаги антирекорд соҳибига айланди. Бундай кўрсатгичга сўнгги марта 1997 йили «Ковентри» клуби футболчиси Дион Даблин “эришганди”.
Жоррий мавсумда Сон «Тоттенхэм» таркибида 23 та учрашувда майдонга тушиб, 10 та гол киритди ва 9 та голга ҳаммуаллифлик қилди.
