Londonning «Tottenxem» klubi hujumchisi Son Xin Min APLning 18-tur doirasida “Chelsi” klubiga qarshi bo‘lib o‘tgan uchrashuvdan chetlatildi.

Bu chetlatish Janubiy Koreyalik futbolchining 2019 yildagi uchinchi chetlatilishi bo‘ldi. Bungacha u 4 may kuni «Bornmut» (0:1) va 3 noyabr kuni «Everton» (1:1) klubiga qarshi uchrashuvlarda qizil kartochkaga ravo ko‘rilgandi.

Son Xin Min so‘nggi 22 yildagi antirekord sohibiga aylandi. Bunday ko‘rsatgichga so‘nggi marta 1997 yili «Koventri» klubi futbolchisi Dion Dablin “erishgandi”.

Jorriy mavsumda Son «Tottenxem» tarkibida 23 ta uchrashuvda maydonga tushib, 10 ta gol kiritdi va 9 ta golga hammualliflik qildi.