Англия футбол ассоциацияси (FA) Англия чемпионатининг 18-тури доирасида бўлиб ўтган "Тоттенхэм" - "Челси" ўйинида майдондан четлатилган Сон Хеунг Минга жазо чорасини эълон қилди.
Кореялик футболчи Англия чемпионатининг навбатдаги 3та учрашувини ўтказиб юборади. У "Брайтон", "Норвич" ва "Саутгемптон"га қарши ўйинларда майдонга тушмайди.
Сон Хеунг Мин "Челси"га қарши баҳснинг 62-дақиқасида "Челси" ҳимоячиси Антонио Рюдигерни тепгани учун майдондан четлатилган эди. Ҳакам видеоёрдамчи билан маслаҳатлашган ҳолда чўнтагидан қизил карточка чиқарди.
27 ёшли футболчи ушбу мавсумда "Тоттенхэм" сафида 23та ўйинда майдонга тушиб, 10та гол урди ва 9та голга узатма берди.