Calciomercato нашрининг тарқатган маълумотига қараганда, Лондоннинг «Арсенал» клуби ярим ҳимоячиси Лукас Торрейра қишки трансфер бозорида жамоани тарк этмайди.
23 ёшли уругвайлик футболчи “Арсенал” жамоаси янги бош мураббийи Микель Артета билан бирга ишлаш мақсадида «Наполи» клубидан келган таклифга рад жавоб берди.
Футболчи мураббий унга клубда қандай роль тайёрлаганини билишни истайди ва мавсумнинг иккинчи ярмида ўзининг ижобий томонларини кўрсатишга ҳаракат қилади.
Эслатиб ўтамиз, «Милан» клуби ҳам Торрейрани ўз сафига қўшиб олиш ниятида юрганди.