Calciomercato nashrining tarqatgan ma’lumotiga qaraganda, Londonning «Arsenal» klubi yarim himoyachisi Lukas Torreyra qishki transfer bozorida jamoani tark etmaydi.
23 yoshli urugvaylik futbolchi “Arsenal” jamoasi yangi bosh murabbiyi Mikel Arteta bilan birga ishlash maqsadida «Napoli» klubidan kelgan taklifga rad javob berdi.
Futbolchi murabbiy unga klubda qanday rol tayyorlaganini bilishni istaydi va mavsumning ikkinchi yarmida o‘zining ijobiy tomonlarini ko‘rsatishga harakat qiladi.
Eslatib o‘tamiz, «Milan» klubi ham Torreyrani o‘z safiga qo‘shib olish niyatida yurgandi.