«Ювентус» ҳужумчиси Криштиану Роналду футболчилик фаолиятини қачон якунламоқчи экани ва шундан сўнг нима иш билан шуғулланмоқчи экани ҳақида гапирди.

«Бундан бир неча йил аввал ўйинчилар 30-32 ёшгача футбол ўйнашар эди, лекин ҳозир майдонда 40 ёшли футболчиларни ҳам учратиш мумкин. Танам майдонда керакли даражада ишламаса, шундан сўнг футболдан кетишим мумкин.

Менинг муваффақиятим — машаққатли меҳнат ва ҳаёт тарзи натижаси. Жисмоний ва руҳий жиҳатдан кучли бўлиш устида доимо ишлаяпман. Футболдан кетганимдан кейин ҳам ўқишда давом этмоқчиман.

Умид қиламан, 50 ёшдан кўпроқ умр кечираман ва турли синовларда иштирок этаман. Шундай синовлардан бири — кинода роль ўйнаш», – деди Криштиану.