Англиянинг «Манчестер Сити» клуби ижрочи директори Ферран Сориано жамоа бош мураббийи Хосеп Гвардиоланинг жамоадан кетиши мумкинлиги ҳақидаги миш-мишларга ойдинлик киритди.

— У жамоа билан шартномаси борлигини ва келаси мавсумда ҳам жамоада қолишинини бир неча маротаба такрорлаб айтди. Шу боис бу мавзуга яна қайтишга ҳожат йўқ.

Пеп қолади, бироқ, керакли пайтда кетади.Жамоада қандай ўзгариш рўй беришидан қатъий назар, жамоамиз кучли. Бироқ, Пеп айтганидек, у жамоа билан бирга бўлади.

Ҳозир жамоада ҳамма нарса жойида деб айта олишим мумкин. Сўнгги икки мавсумда жамоамиз 198 очко жамғаргани ғайритабиий ҳолдир.

Премьер-лига жуда рақобатдош чемпионат, исталган жамоа ғалаба қозона олиши мумкин. Шубҳасиз, учралган мағлубиятларимизнинг сонидан қониқмаяпмиз, лекин бу чемпионатнинг табиати шунақа, футболнинг табиати шунақа, — деди Сориано.