«Тоттенхэм» бош мураббийи Жозе Моуриньо ярим ҳимоячи Кристиан Эриксен билан боғлиқ вазият юзасидан ўз фикрини билдириб ўтди. Эслатиб ўтамиз, даниялик футболчининг шартномаси 2020 йилнинг ёзида якунига етади.

«Очиғини айтсам, у январь ойида сотиб юборилиши мумкинлигини билмайман. Вазиятни тушуниб турибсиз: у ҳозир исталган жамоа билан шартнома имзолаб, мавсум сўнгида янги клубга ўтиб кетиши мумкин. Бу биринчи вариант.

Иккинчи вариант – агар бошқа жамоа уни январь ойида қўлга киритишни истаса, у ҳолда вазият жамоамиз назорати остида бўлади.

Яна битта вариант бор. У "Тоттенхэм" билан шартномани узайтиради ва биз билан қолади. Ҳозирча эса у шу ерда ва у бизнинг ўйинчи», – деди Моуриньо.

Маълумотларга қараганда, Эриксенга «Интер», «Ювентус» ва «Манчестер Юнайтед» клублари қизиқиш билдиришмоқда.