«Реал» бош мураббийи Зайниддин Зидан Ла лиганинг 19-тури доирасида бўлиб ўтган «Хетафе»га қарши ўйин (3:0) борасида ўз фикрини билдириб ўтди.

«Биз биринчи бўлимда сабр билан ўйнашимизга тўғри келди, Тибо ажойиб ҳаракат қилди. Бундай оғир стадионда жамоа сифатида ўзимизни яхши намойиш қилдик. Дастлаб тўпни назоратга олишимиз қийин кечди. Жамоавий ўйин эвазига 3 очкони қўлга киритдик.

Куртуа биринчи бўлимда 3та вазиятда бизни қутқарди ва ҳал қилувчи ролни ўйнади. Тибо – жамоанинг муҳим ўйинчиси ва у буни исботламоқда. Нафақат ҳозир, балки анча вақтдан бери.

Модрич – ҳақиқатан ҳам «Реал» учун муҳим ўйинчи. У ўйинни аъло даражада ўтказди. Лука Модрич – бу доимо Лука Модрич. Унинг нималарга қодирлигини яхши биламиз. У гол урганидан, аввало эса 90-дақиқадаги югуришидан хурсандман», – деди Зидан.