«Реал» клуби собиқ бош мураббийи Фабио Капелло Криштиану Роналду Мадридни тарк этганидан кейин "Қироллик клуби"нинг ўйини қай даражада бўлаётгани ҳақида ўз фикрини билдириб ўтди.

«Криштиану – ҳар қандай жамоада муҳим ўйинчига айланади. Роналду кетганидан кейин «Реал»га осон бўлмади. Бензема унинг ўрнини эгаллаган бўлса-да, жамоа ҳам руҳий, ҳам тактик жиҳатдан ўз етакчисини йўқотди.

Бэйл – салоҳият томонлама ақлбовар қилмас ўйинчи. Менда шундай ҳиссиёт пайдо бўлдики, футбол у учун муҳим нарса бўлмай қолган. Назаримда, футболдан осонгина чиқиб кетмоқда. Аммо у кучли ва тезкор — замонавий футбол учун идеал ўйинчи.

Агар чемпион бўлишни истасанг, сен эътиборингни 100 фоиз спорт ҳаётингга қаратишинг керак», – деди Капелло.