"Манчестер Сити" бош мураббийи Пеп Гвардиола жамоаси "Манчестер Юнайтед"ни мағлуб этган Англия Лигаси ярим финалининг биринчи учрашуви (3:1) ҳақида фикр билдирди.
"Учрашувнинг дастлабки дақиқалари қийин кечди. "Юнайтед" битта ёки иккита қарши ҳужум уюштирди, аммо Бернардо биринчи зарбаси билан ажойиб голни урди.
Шундан сўнг биз жуда яхши ўйнадик, кўп вазиятларни яратдик ва орқадан яхши ўйнадик. Ҳа, бу яхши натижа. Биз ҳали финалга чиқмадик, чунки бу "Юнайтед" ва ўтган мавсумда биз уларнинг ПСЖ билан бўлган камбек гувоҳи бўлган эдик. Улар гол уришга қодир.
Умид қиламанки, мухлисларимиз иккинчи учрашувда яна финалга чиқишимиз учун бизга яхши ёрдам беришади", - деди Гвардиола Sky Sports нашрига.
