Янги мавсумга тайёргарликни Янгиер шаҳрида олиб бораётган “Андижон” жамоаси бугун дастлабки ўртоқлик учрашувини Самардқанднинг “Шердор” клубига қарши ўтказди.
Ушбу ўртоқлик учрашувида Александр Хомяков таркибдаги бир қатор маҳаллий ёш ва янги футболчиларни синовдан ўтказди.

“Андижон”: Арслон Аҳроров, Усмонали Исмоналиев, Рустам Абдулҳамидов, Ойбек Абдуғаффоров, Фарҳод Мираҳматов, Артур Маматказин, Дониёр Исмоилов, Муҳаммадазиз Иброҳимов, Валилилло Тошхўжаев, Фарҳод Бекмуратов, Артём Литвяков.

Заҳирадан майдонга тушганлар: Дониёр Абдуманнопов, Роббимжон Ҳасанов, Сирож Мелиев, Муҳаммад Юлдашев, Мирзоҳид Маматхонов, Ислом Маматказин, Хушнуд Авилов, Сардор Азимов, Асилбек Азизов, Қаҳрамон Баҳодиров, Даврон Исоқов, Бахтиёр Қосимов, Абдуллоҳ Олимов, Дилмурод Абдуқаҳҳоров.

Қизиқарли кечган учрашув тўлалигича “Андижон” жамоаси устунлигида ўтди. Биринчи бўлимнинг дастлабки дақиқаларида жамоа машғулотларига таклиф этилган молдавиялик ҳужумчи Артём Литвяков икки бора “Шердор” дарвозасини ишғол этди.

Иккинчи бўлимда майдонга тушган Абдуллоҳ Олимов икки марта рақиб дарвозасини аниқ нишонга олиб, ҳисобни йирик кўринишга олиб келди.

Энди Александр Хомяков бошчилигидаги “Андижон” кейинги ўртоқлик учрашувини 15 январь куни Янгиер шаҳрида Тожикистоннинг “Истиқлол” жамоасига қарши баҳс олиб боради.