Yangi mavsumga tayyorgarlikni Yangiyer shahrida olib borayotgan “Andijon” jamoasi bugun dastlabki o‘rtoqlik uchrashuvini Samardqandning “Sherdor” klubiga qarshi o‘tkazdi.
Ushbu o‘rtoqlik uchrashuvida Aleksandr Xomyakov tarkibdagi bir qator mahalliy yosh va yangi futbolchilarni sinovdan o‘tkazdi.
“Andijon”: Arslon Ahrorov, Usmonali Ismonaliyev, Rustam Abdulhamidov, Oybek Abdug‘afforov, Farhod Mirahmatov, Artur Mamatkazin, Doniyor Ismoilov, Muhammadaziz Ibrohimov, Valilillo Toshxo‘jayev, Farhod Bekmuratov, Artyom Litvyakov.
Zahiradan maydonga tushganlar: Doniyor Abdumannopov, Robbimjon Hasanov, Siroj Meliyev, Muhammad Yuldashev, Mirzohid Mamatxonov, Islom Mamatkazin, Xushnud Avilov, Sardor Azimov, Asilbek Azizov, Qahramon Bahodirov, Davron Isoqov, Baxtiyor Qosimov, Abdulloh Olimov, Dilmurod Abduqahhorov.
Qiziqarli kechgan uchrashuv to‘laligicha “Andijon” jamoasi ustunligida o‘tdi. Birinchi bo‘limning dastlabki daqiqalarida jamoa mashg‘ulotlariga taklif etilgan moldaviyalik hujumchi Artyom Litvyakov ikki bora “Sherdor” darvozasini ishg‘ol etdi.
Ikkinchi bo‘limda maydonga tushgan Abdulloh Olimov ikki marta raqib darvozasini aniq nishonga olib, hisobni yirik ko‘rinishga olib keldi.
Endi Aleksandr Xomyakov boshchiligidagi “Andijon” keyingi o‘rtoqlik uchrashuvini 15 yanvar kuni Yangiyer shahrida Tojikistonning “Istiqlol” jamoasiga qarshi bahs olib boradi.
