Қатарнинг Al Kass телеканали бошловчиси Муҳаммад Нахлехнинг тарқатган маълумотига қараганда, 39 ёшли Хави кейинги ҳафтада “Барселона” клуби бош мураббийи этиб тайинланади.
Манбанинг айтишича, «Ал-Садд»нинг Қирол Кубоги финалида «Ал-Духайл» клубига қарши бўлиб ўтадиган учрашув Хави учун клубдаги сўнгги ўйин бўлади. Ушбу баҳс 17 январь куни бўлиб ўтади.
Хавининг «Ал-Садд» билан амалдаги шартномаси 2021 йилнинг 30 июнь кунигача амал қилади.