Олимпия терма жамоамиз футболчиси Ислом Қобилов AFC расмий сайти учун кичик интервью берди. Сардоримиз Жанубий Корея терма жамоаси билан ўйиндан олдинги фикра ва мулоҳазалари билан ўртоқлашиб ўтди.
Биринчи ўйиндаги дурангдан кейин, барибир бир очко қўлга киритдик. Гуруҳдаги асосий рақибимиз Жанубий Корея Эронни мағлубиятга учратгач, бизда имконият янада кўпайди. Эндиликда барчасини Жанубий Корея билан ўйин ҳал этади. Қайсидир маънода гуруҳдаги аҳволимиз бизга руҳий устунлик тақдим этмоқда.
Жамоа сардори бўлганим учун ҳам маъсулиятни ўз бўйнимга олишга ўрганганман. Шу сабабли, ҳам пенальтини ўзим амалга ошираётган эдим. Аслида, бу борада машғулотлар чоғида узоқ ишлаймиз. Мураббийларнинг зарбани энга ишониб топширгани учун ҳам зарбаларни амалга оширяпман. Хитой билан ўйинда биринчи пенальтини амалга ошираётганимда қайси нуқтага зарба беришни одиндан ҳал этиб бўлган эдим. Иккинчи пенальтида эса, озгина иккиланиш бўлди. Тўғриси, шу бошқа ҳеч қандай омил таъсир ўтказгани йўқ.
Ўзбекистон футболи тарихидаги энг улкан мақсад айни дамда бизнинг елкамизга юклатилган. Тўгри, терма жамоамиз ЖЧ саралашида иштирок этмоқда, бироқ уларнинг якуний босқич ўйинлари ҳали олдинда. Айни дамдаги барчанинг нигоҳи бизга қаратилган. Футболимиз тарихида ҳали бу марра забт этилмагани боис, бу бизга улкан маъсулият юклайди.
